విలువలు – విజ్ఞానం – వినోదం కలగలిపిన బాలసాహిత్య రత్నం “బహుమతుల కాకి” కథా సంపుటి.
నేటి డిజిటల్ ప్రపంచంలో పిల్లల దృష్టి ఎక్కువగా తెరలపైనే కేంద్రీకృతమవుతున్నది. అలాంటి ఈ కాలంలో, మంచి పుస్తకం చేతిలో పడితే వారి ఊహాశక్తి, ఆలోచనా ధోరణి, భావోద్వేగాలు, పిల్లల సున్నితత్వం మరింత వికసిస్తాయి. అలాంటి పఠనానుభూతిని అందించే బాలల కథాసంపుటి “బహుమతుల కాకి”. నెల్లూరు కేంద్రంగా పనిచేస్తున్న విజ్ఞాన ప్రచురణల వారు ఈ గ్రంథాన్ని ప్రచురించారు. బాలల మనస్తత్వాన్ని లోతుగా అర్థం చేసుకున్న కథా రచయిత “టి.వి. రామకృష్ణ గారు” ఈ సంకలనంలో మొత్తం 15 కథలను అందించారు. డిసెంబర్ 2025లో తొలి ముద్రణగా 1000 ప్రతులు వెలువడటం ఈ పుస్తకంపై ఉన్న విశ్వాసానికి నిదర్శనం.
ఈ కథాసంపుటి ప్రత్యేకత ఏమిటంటే – ప్రతి కథలో వినోదం వెనుక ఒక విలువ దాగి ఉంటుంది; ప్రతి సంఘటన వెనుక ఒక జీవనపాఠం నిలుస్తుంది. ఉపదేశాత్మక ధోరణి కాకుండా, అనుభూతి ద్వారా పిల్లలకు సందేశాన్ని అందించడం అనేది ఈ రచయిత నైపుణ్యం.
ప్రకృతి – స్నేహం – మనసుల మమకారం
“బహుమతుల కాకి” అనే తొలి కథలో చిన్నారి మేఘన మరియు ఒక కాకి మధ్య ఏర్పడిన అమాయక స్నేహాన్ని హృద్యంగా ఆవిష్కరింపజేశారు. ప్రకృతితో మమేకమవడం, జీవరాశుల పట్ల కరుణ చూపడం, నిరీక్షణలోని ప్రేమ – ఇవన్నీ కథలో సహజంగా అనిపిస్తాయి. పిల్లలు చదివేటప్పుడు తాము కూడా ఆ చెట్టు క్రింద కూర్చున్నట్టుగా అనుభూతి చెందుతారు అని చెప్పడంలో ఏమాత్రం అతిశయోక్తి లేదు.
“అభయ్ ఆలోచన”, “మధులిక పుట్టినరోజు” వంటి కథలు ప్రకృతి, పల్లె జీవన వాతావరణం, జంతు–పక్షుల ప్రపంచం పట్ల ఆసక్తిని పెంపొందిస్తాయి. ఈ కథలు పిల్లలలో పరిశీలనా దృష్టిని పెంచుతాయి.
విజ్ఞాన ప్రేరణ – సృజనాత్మక దిశ
“ఆకాశంలో పక్షులు – జంతువులు” కథ ఖగోళ విజ్ఞానంపై ఆసక్తిని కలిగిస్తుంది. తాతయ్య ఇచ్చిన టెలిస్కోప్ ఒక సాధారణ బహుమతి మాత్రమే కాదు – అది చిన్నారులలో జ్ఞానాన్వేషణకు పునాది వేస్తుంది.
“కృత్రిమ మేధా” కథలో భవిష్యత్ విద్యావిధానాల రూపురేఖలను రచయిత చక్కగా ఊహించారు. ఇందులో సాంకేతిక పరిజ్ఞానాన్ని పిల్లలకు భయపెట్టే విధంగా కాకుండా, నేర్చుకోవడానికి ఉపకరించే సాధనంగా చూపించడం ప్రశంసనీయం.
ధైర్యం – వ్యక్తిత్వ వికాసం
“పప్పు సాహసం” కథ స్నేహం, ధైర్యం, సమయస్ఫూర్తి విలువలను బలంగా ప్రతిపాదిస్తుంది.
“మార్పు కోరిన కాలుడు” కథ ఇతరులను అనుకరించాలనే కోరిక వెనుక ఉన్న అపోహలను చెదరగొట్టి, స్వీయ సామర్థ్యాన్ని గుర్తించుకోవాలని సూచిస్తుంది.
“విరబూసిన బంతి చెట్టు” కథలో మొక్కల పట్ల ప్రేమను పెంపొందించేందుకు రచయిత ప్రయత్నించారు. శాస్త్రవేత్త జగదీష్ చంద్ర బోస్ అభిప్రాయాన్ని కథలో సున్నితంగా మేళవించి చెప్పడం చాలా బాగా అనిపించింది.
చరిత్ర – సంస్కృతి – కుటుంబ విలువలు
“దుర్గాబాయి” కథ ద్వారా దుర్గాబాయి దేశ్ముఖ్ జీవిత స్ఫూర్తిని పరిచయం చేశారు. చిన్నారులకి చరిత్రను భారంగా కాకుండా ప్రేరణాత్మకంగా అందించడం అభినందనీయం.
“క్షీరసాగర మథనం” కథ పురాణ గాథను బాలల భాషలో సరళంగా వివరిస్తుంది.
“చంటిగాడు” కథ కుటుంబ జీవనంలోని అల్లరిని, అనుబంధాన్ని ముద్దుగా చూపిస్తుంది.
రూపకల్పన ప్రత్యేకత
ఈ పుస్తకంలోని ప్రతి కథకు జతచేసిన ఆకర్షణీయమైన ఏఐ చిత్రాలు కథానుభూతిని మరింత సజీవంగా మారుస్తాయి. చిత్రాలు పిల్లల ఊహాశక్తిని విస్తరింపజేస్తాయి. భాష సరళంగానూ, వాక్య నిర్మాణం సూటిగా సులభ గ్రాహ్యంగానూ ఉన్నది. మంచి చక్కటి పిల్లలకు ఆకషణీయమైన రీతిలో చక్కటి ముఖచిత్రాన్ని కూడా అందించారు. రంగు కూడా ప్రకృతిని సూచించేలా ఉన్నది.
చివరిగా ఒక్క మాటలో చెప్పాలంటే, “బహుమతుల కాకి” కేవలం కథల సంకలనం కాదు; అది పిల్లల మనసుల్లో విలువల విత్తనాలు నాటే పుస్తకం. ప్రకృతి ప్రేమ, విజ్ఞానం, ధైర్యం, ఆత్మవిశ్వాసం, కుటుంబ అనుబంధం – ఇవన్నీ ఒకే గ్రంథంలో సమన్వయమై ఉండటం ఇందులోని విశేషం.
తల్లిదండ్రులు తమ పిల్లలకు మంచి పఠనానుభూతి అందించాలనుకుంటే, ఉపాధ్యాయులు తమ పిల్లలను మంచి విజ్ఞానదాయకులుగా రూపుదిద్దాలనుక్కున్నా.. గ్రంథాలయంలో చేర్చదగిన మంచి పుస్తకం కోసం వెతుకుతుంటే – “బహుమతుల కాకి” సరైన ఎంపిక.
ఈ పుస్తకం ధర కేవలము రూ.120/- మాత్రమే. పుస్తకాన్ని పొందదలచిన వారు సంప్రదించవలసిన చిరునామా: జి. మాల్యాద్రి
విజ్ఞాన ప్రచురణలు,
ప్రజా సైన్స్ వేదిక ప్రచురణల విభాగం
162, విజయలక్ష్మీ నగర్, నెల్లూరు – 524004
సెల్: 9440503061
చిన్నారుల చేతిలో మంచి పుస్తకం ఉంటే – వారి భవిష్యత్తు మరింత ప్రకాశవంతం అవుతుంది. ఆ ప్రకాశానికి ఒక చిన్న దీప్తి “బహుమతుల కాకి”.
……………….
సమీక్ష : “నవ్యకవితాకళానిధి” మద్దిరాల శ్రీనివాసులు
ఉపాధ్యాయుడు, రచయిత (cell:9010619066)
తేది:05-10-2022, "నేటి నిజం" దినపత్రికలో.... ప్రచురించబడిన నా పుస్తక సమీక్ష 
తేది:05-10-2022, "భూమిపుత్ర " దినపత్రికలో.... ప్రచురించబడిన నా పుస్తక సమీక్ష 
తేది:19-09-2022, దిశ దినపత్రికలో.... ప్రచురించబడిన నా పుస్తక సమీక్ష
విలువలు – విజ్ఞానం – వినోదం కలగలిపిన బాలసాహిత్య రత్నం “బహుమతుల కాకి” కథా సంపుటి.
నేటి డిజిటల్ ప్రపంచంలో పిల్లల దృష్టి ఎక్కువగా తెరలపైనే కేంద్రీకృతమవుతున్నది. అలాంటి ఈ కాలంలో, మంచి పుస్తకం చేతిలో పడితే వారి ఊహాశక్తి, ఆలోచనా ధోరణి, భావోద్వేగాలు, పిల్లల సున్నితత్వం మరింత వికసిస్తాయి. అలాంటి పఠనానుభూతిని అందించే బాలల కథాసంపుటి “బహుమతుల కాకి”. నెల్లూరు కేంద్రంగా పనిచేస్తున్న విజ్ఞాన ప్రచురణల వారు ఈ గ్రంథాన్ని ప్రచురించారు. బాలల మనస్తత్వాన్ని లోతుగా అర్థం చేసుకున్న కథా రచయిత “టి.వి. రామకృష్ణ గారు” ఈ సంకలనంలో మొత్తం 15 కథలను అందించారు. డిసెంబర్ 2025లో తొలి ముద్రణగా 1000 ప్రతులు వెలువడటం ఈ పుస్తకంపై ఉన్న విశ్వాసానికి నిదర్శనం.
ఈ కథాసంపుటి ప్రత్యేకత ఏమిటంటే – ప్రతి కథలో వినోదం వెనుక ఒక విలువ దాగి ఉంటుంది; ప్రతి సంఘటన వెనుక ఒక జీవనపాఠం నిలుస్తుంది. ఉపదేశాత్మక ధోరణి కాకుండా, అనుభూతి ద్వారా పిల్లలకు సందేశాన్ని అందించడం అనేది ఈ రచయిత నైపుణ్యం.
ప్రకృతి – స్నేహం – మనసుల మమకారం
“బహుమతుల కాకి” అనే తొలి కథలో చిన్నారి మేఘన మరియు ఒక కాకి మధ్య ఏర్పడిన అమాయక స్నేహాన్ని హృద్యంగా ఆవిష్కరింపజేశారు. ప్రకృతితో మమేకమవడం, జీవరాశుల పట్ల కరుణ చూపడం, నిరీక్షణలోని ప్రేమ – ఇవన్నీ కథలో సహజంగా అనిపిస్తాయి. పిల్లలు చదివేటప్పుడు తాము కూడా ఆ చెట్టు క్రింద కూర్చున్నట్టుగా అనుభూతి చెందుతారు అని చెప్పడంలో ఏమాత్రం అతిశయోక్తి లేదు.
“అభయ్ ఆలోచన”, “మధులిక పుట్టినరోజు” వంటి కథలు ప్రకృతి, పల్లె జీవన వాతావరణం, జంతు–పక్షుల ప్రపంచం పట్ల ఆసక్తిని పెంపొందిస్తాయి. ఈ కథలు పిల్లలలో పరిశీలనా దృష్టిని పెంచుతాయి.
విజ్ఞాన ప్రేరణ – సృజనాత్మక దిశ
“ఆకాశంలో పక్షులు – జంతువులు” కథ ఖగోళ విజ్ఞానంపై ఆసక్తిని కలిగిస్తుంది. తాతయ్య ఇచ్చిన టెలిస్కోప్ ఒక సాధారణ బహుమతి మాత్రమే కాదు – అది చిన్నారులలో జ్ఞానాన్వేషణకు పునాది వేస్తుంది.
“కృత్రిమ మేధా” కథలో భవిష్యత్ విద్యావిధానాల రూపురేఖలను రచయిత చక్కగా ఊహించారు. ఇందులో సాంకేతిక పరిజ్ఞానాన్ని పిల్లలకు భయపెట్టే విధంగా కాకుండా, నేర్చుకోవడానికి ఉపకరించే సాధనంగా చూపించడం ప్రశంసనీయం.
ధైర్యం – వ్యక్తిత్వ వికాసం
“పప్పు సాహసం” కథ స్నేహం, ధైర్యం, సమయస్ఫూర్తి విలువలను బలంగా ప్రతిపాదిస్తుంది.
“మార్పు కోరిన కాలుడు” కథ ఇతరులను అనుకరించాలనే కోరిక వెనుక ఉన్న అపోహలను చెదరగొట్టి, స్వీయ సామర్థ్యాన్ని గుర్తించుకోవాలని సూచిస్తుంది.
“విరబూసిన బంతి చెట్టు” కథలో మొక్కల పట్ల ప్రేమను పెంపొందించేందుకు రచయిత ప్రయత్నించారు. శాస్త్రవేత్త జగదీష్ చంద్ర బోస్ అభిప్రాయాన్ని కథలో సున్నితంగా మేళవించి చెప్పడం చాలా బాగా అనిపించింది.
చరిత్ర – సంస్కృతి – కుటుంబ విలువలు
“దుర్గాబాయి” కథ ద్వారా దుర్గాబాయి దేశ్ముఖ్ జీవిత స్ఫూర్తిని పరిచయం చేశారు. చిన్నారులకి చరిత్రను భారంగా కాకుండా ప్రేరణాత్మకంగా అందించడం అభినందనీయం.
“క్షీరసాగర మథనం” కథ పురాణ గాథను బాలల భాషలో సరళంగా వివరిస్తుంది.
“చంటిగాడు” కథ కుటుంబ జీవనంలోని అల్లరిని, అనుబంధాన్ని ముద్దుగా చూపిస్తుంది.
రూపకల్పన ప్రత్యేకత
ఈ పుస్తకంలోని ప్రతి కథకు జతచేసిన ఆకర్షణీయమైన ఏఐ చిత్రాలు కథానుభూతిని మరింత సజీవంగా మారుస్తాయి. చిత్రాలు పిల్లల ఊహాశక్తిని విస్తరింపజేస్తాయి. భాష సరళంగానూ, వాక్య నిర్మాణం సూటిగా సులభ గ్రాహ్యంగానూ ఉన్నది. మంచి చక్కటి పిల్లలకు ఆకషణీయమైన రీతిలో చక్కటి ముఖచిత్రాన్ని కూడా అందించారు. రంగు కూడా ప్రకృతిని సూచించేలా ఉన్నది.
చివరిగా ఒక్క మాటలో చెప్పాలంటే, “బహుమతుల కాకి” కేవలం కథల సంకలనం కాదు; అది పిల్లల మనసుల్లో విలువల విత్తనాలు నాటే పుస్తకం. ప్రకృతి ప్రేమ, విజ్ఞానం, ధైర్యం, ఆత్మవిశ్వాసం, కుటుంబ అనుబంధం – ఇవన్నీ ఒకే గ్రంథంలో సమన్వయమై ఉండటం ఇందులోని విశేషం.
తల్లిదండ్రులు తమ పిల్లలకు మంచి పఠనానుభూతి అందించాలనుకుంటే, ఉపాధ్యాయులు తమ పిల్లలను మంచి విజ్ఞానదాయకులుగా రూపుదిద్దాలనుక్కున్నా.. గ్రంథాలయంలో చేర్చదగిన మంచి పుస్తకం కోసం వెతుకుతుంటే – “బహుమతుల కాకి” సరైన ఎంపిక.
ఈ పుస్తకం ధర కేవలము రూ.120/- మాత్రమే. పుస్తకాన్ని పొందదలచిన వారు సంప్రదించవలసిన చిరునామా: జి. మాల్యాద్రి
విజ్ఞాన ప్రచురణలు,
ప్రజా సైన్స్ వేదిక ప్రచురణల విభాగం
162, విజయలక్ష్మీ నగర్, నెల్లూరు – 524004
సెల్: 9440503061
చిన్నారుల చేతిలో మంచి పుస్తకం ఉంటే – వారి భవిష్యత్తు మరింత ప్రకాశవంతం అవుతుంది. ఆ ప్రకాశానికి ఒక చిన్న దీప్తి “బహుమతుల కాకి”.
……………….
సమీక్ష : “నవ్యకవితాకళానిధి” మద్దిరాల శ్రీనివాసులు
ఉపాధ్యాయుడు, రచయిత (cell:9010619066)
తేది:05-10-2022, "భూమిపుత్ర " దినపత్రికలో.... ప్రచురించబడిన నా పుస్తక సమీక్ష
ఈ పుస్తకము యొక్క సమీక్షను.... ఈ లింక్ ద్వారా pustakam.net లో చదువుటకు ఇక్కడ క్లిక్ చేయండి.
నేటి విద్యార్థులు,ఉపాధ్యాయులకు ఆదర్శం - హెలెన్ కెల్లర్ జీవిత గాథ
-మద్దిరాల శ్రీనివాసులు, టీచర్,
నేటి విద్యార్థులు,ఉపాధ్యాయులకు ఆదర్శం - హెలెన్ కెల్లర్ జీవిత గాథ
రచయిత్రి డాక్టర్ నన్నపనేని మంగాదేవి గారు ఒక అద్భుతమైన వ్యక్తి అయిన హెలెన్
కెల్లర్ జీవిత గాథను గ్రంథస్తం చేసి మంచి పని చేశారు. ముందుగా ఆమెకు కృతజ్ఞతలు.
ఇందులో హెలెన్ అనే ఒక
అమ్మాయి తన రెండేళ్ళ వయసులో ప్రమాద వశాత్తు తన చూపు, వినికిడి రెండూ
పోగొట్టుకుంటుంది. అయితే పట్టుదల, కృషి, ఆత్మవిశ్వాసం, మానసిక స్థైర్యం
వీటన్నిటితో డిగ్రీ పట్టా పొందడమే గాక , ఒక రచయిత్రిగా కూడా ఎదిగిన వైనం నేటి
విద్యార్థులకు ఎంతో స్ఫూర్తివంతం. అంగవికలుర పట్ల సమాజం చూపించవలసింది జాలి కాదు,
వారికి జీవితంలో బ్రతకడానికి కావలసిన స్థైర్యం,ధైర్యం ఇస్తే వారి లోపాలను సైతం
లెక్క చేయకుండా ఎంతటి వున్నత స్థానానికైనా ఎదుగుతారు అని చెప్పడానికి ఓ చక్కని
నిరూపణ హెలెన్ జీవితం. అలాగే హెలెన్
చిన్నతనంలో బాగా అల్లరి చేసేదట. అపుడు తల్లిదండ్రులు తనకు చదువు నేర్పడానికి సలీవాన్ అనే ఆమెను
ఏర్పాటు చేస్తారు. పాక్షిక చూపు మాత్రమే కలిగి వినికిడి, మాట కూడా లేని ఆమె
ఎంతో ఓపికగా హెలెన్ కు విద్య నేర్పడం ఒక అద్భుతం. సలీవాన్ బోధనా జీవితం నేటి
కాలంలోని ప్రతి ఉపాధ్యాయునికి ఆదర్శవంతమైనది.
ఇందులో సుజాత అనే అమ్మాయి హెలెన్ కెల్లర్ గురించి తెలుసుకోవడానికి తనదైన
శైలిలో ఇంట్లో అన్న ద్వారా, బడిలో ఉపాధ్యాయుని ద్వారా హెలెన్ గురించి సమాచార సేకరణ
చేస్తుంది. అంతే కాదు, తాను ఎంతో తెలివిగా , చక్కగా మాట్లాడి ఉపాధ్యాయురాలి ద్వారా
తనకు కావలసిన చోట పిక్నిక్ ఏర్పాటు చేయుంచుకుంటుంది. ఈ పాత్ర ద్వారా
విద్యార్థులంటే ఏదైనా ఒక విషయాన్ని పూర్తిగా తెలుసుకోవడానికి కృషి చేయాలని,
సంపూర్ణ విషయ సాధనకి విద్యార్థులు ఆసక్తి, పట్టుదల, సమయస్ఫూర్తి కలిగి విషయ సేకరణ
స్వభావం తో ఎవరితో ఎలా నడచుకోవాలో తెలిపారు రచయిత్రి. ఒక్క మాటలో చెప్పాలంటే హెలెన్ గాథకు తగిన విధంగా నాటకీకరణ పాత్రలను,
కథను చిత్రీకరించిన మంగాదేవి గారి సృష్టి అనిర్వచనీయం. సుజాత పాత్ర నేటి
విద్యార్థులకు ఆదర్శం.
హెలెన్ గాథను నాటకీకరణ ద్వారా సంభాషణ
రూపంలో అందించడం నాకు చాలా బాగా నచ్చింది. పాఠశాలల్లో కూడా విద్యార్థులకు ఎప్పుడూ
తరగతి గదిలోనే కాకుండా బయటి వాతావరణం, విషయాలు తెలుపవలసిన అవసరం ఎంతైనా వుందని
తెలుపడమే కాకుండా, అంధుల లిపిని కూడా పరిచయం
చేయడం చాలా చాలా హైలెట్.
మొత్తంపై ఈ పుస్తకం ప్రతి ఒక్క ఉపాధ్యాయుడు, ప్రతి ఒక
వ్యక్తి, చదువదగినదే. అయితే రఘురామయ్య అనే తండ్రి పాత్ర డిక్టేటర్ అయ్యింది. మొదట్లో
అలా వుంచినా చివరికి పిల్లల నడవడిక ద్వారా
తండ్రిలో మార్పు వచ్చేలా మలచి, తనతో కూడా హెలెన్ గురించి మాట్లాడించడమో, మంచిపని చేసేటపుడు
భయపడవలసిన పని లేదనే సందేశం ఇప్పించడమో చేసి వుంటే బాగుండేది . పుస్తకం చూడడానికి
చిన్నదిగా కనిపించినా క్వాలిటీపరంగా, పుస్తకం లోని విజ్ఞాన విలువ పరంగా చూస్తే రూ.
30.00 లు అనేది చాలా తక్కువ ఖరీదు. అన్ని
విశాలాంధ్ర బుక్ హౌస్ ల లోనూ లభ్యమవుతుంది.
పూర్తి వివరాలకు visalaandhraph@yahoo.com అనే ఈమెయుల్ మరియు అనే www.visalaandhraph.net వెబ్ సైట్ లోనూ సంప్రదించవచ్చును.
గిజూభాయి గారి " పగటికల " పై నా సమీక్ష ఈ పుస్తకము యొక్క సమీక్షను.... ఈ లింక్ ద్వారా pustakam.net లో చదువుటకు ఇక్కడ క్లిక్ చేయండి.
"పగటి కల" కాదిది సాధించగల " నిజమైన కల" ........ మద్దిరాల శ్రీనివాసులు, సెల్ : 9010619066
ఒక మూస పధ్ధతిలో పాఠశాలల్లోని విద్యార్థులకు బట్టీ పద్ధతుల ద్వారా విద్యను నేర్పించడం, మూల్యాంకన విధానం , వార్షికోత్సవం జరిపే విధానం, మొ|| వాటిని నిరసిస్తూ, ఎలాంటి దండన, శిక్షలు లేకుండా దాదాపు డెభ్బై సంవత్సరాల క్రితం గిజూభాయి అనే ఒక విద్యావేత్త ప్రాథమిక స్థాయి విద్యార్థులకు ఆట, పాటలతో ఆసక్తికరంగా ఎలా బోధించవచ్చు ? మూల్యాంకన విధానం ఎలా వుండాలి ? వార్షికోత్సవం అంటే ఏమిటి ? అనే విషయాలను తాను ప్రత్యేకమైన పధ్ధతులతో ఒక పుస్తకం వ్రాసుకుంటారు. వాటిని తన ప్రయోగాల ద్వారా ప్రత్యక్ష పధ్ధతిలో బోధించి నిరూపించి అధికారుల ప్రశంసలు సాధించిన విధానంతో కూడిన ఒక అద్భుతమైన పుస్తకమే ఈ " పగటికల".
ఈ విద్యావేత్త తాను వ్రాసిన పుస్తకంలోని బోధనా పద్ధతులను విద్యార్థులలో ప్రయోగించడానికి ఒక పాఠశాలలోని నాలుగవ తరగతి విద్యార్థులను ఒక ఉన్నత విద్యాధికారి గారి అనుమతితో సంవత్సరం పాటు దత్తత తీసుకుంటారు. తన నూతన ప్రయోగ పద్ధతుల ద్వారా ఇతర తరగతుల విద్యార్థులతో సమానంగా దండన, శిక్షలు లేకుండా ఆ విద్యాసంవత్సరం చివరి నాటికి చక్కగా తీర్చి దిద్దుతాననే ఒప్పందంతో ఆ తరగతికి సంబంధించిన పుస్తకాలు, సిలబస్, నియమాలు మొ||నవి తీసుకుంటారు. అయితే, తదుపరి తాను తీసుకున్న తరగతికి సంబంధించిన పాఠ్యపుస్తకాలు, సిలబస్ లనన్నింటినీ పక్కకు పెట్టి తాను వ్రాసుకున్న పద్ధతులతో,
మొదటి రోజు పాఠశాల ప్రారంభం కాకముందే అక్కడికి ఎంతో ఉత్సాహంతో చేరుకుంటారు. తరగతిలో విద్యార్థులకు తన పద్ధతులతో ఎంతో చక్కగా బోధించవచ్చన్న ఆశతో అడుగు పెట్టిన తనకు అక్కడి పిల్లలను సముదాయించడమే చేతకాదు. ఆ పిల్లలు సరిగా గుండీలు లేని చెదిరిపోయిన బట్టలతో, ఎన్నాళ్ళ నుండో తైల సంస్కారాలు కూడా లేకుండా వున్న జుత్తుతో, మురికి పట్టి వున్న పొడవైన గోర్లతో, సరిగా స్నానాలు కూడా చేయకుండా చాలా అపరిశుభ్రంగా వుంటారు. సార్ చెప్పిన మాట ఒక్కటి కూడా వినక పోగా విపరీతమైన అల్లరి చేసే వారుగా వుంటారు. వారి అల్లరి తగ్గించేందుకై తన మొదటి పద్ధతిగా " ఓం శాంతి " ప్రయోగం చేసి విఫలం అవుతారు. అలాంటి ఆ విద్యార్థుల అల్లరి, ఆకతాయి చేష్టలను చూసి తట్టుకోలేక , బాబోయ్ ! ఈ పిల్లలకా ! నేను పాఠాలు చెప్పేది !? అని విస్తుపోయి తదుపరి రోజుకు తాను ఏం చేయాలో ? ఆలోచించుకోవాలి అనుకుంటాడు. వీరికి తాను రూపొందించుకొని వచ్చిన పద్ధతులు పనికి రావని నిర్ణయించుకొని, ఏం చేయాలో దిక్కు తోచని పరిస్థితులలో ఆరోజు వారికి సెలవు ప్రకటించడం, ఆ పాఠశాల ప్రధానోపాధ్యాయుని ఆగ్రహానికి గురి కావడం జరుగుతుంది.
తర్వాతి రోజుకు కొత్త ప్లానుతో తరగతి గది లోకి అడుగిడిన గిజుభాయి గారికి , ఈ రోజు కూడా సెలవివ్వండి సార్...... ! అనే పిల్లల గోల ఎదురవుతుంది. అలాంటి పరిస్థితులలో వారికి తాను అనుకున్న కథలను హావభావాలతో చెప్పడం ద్వారా వారిలో బడిపట్ల, చదువు పట్ల ఆసక్తిని కలిగిస్తారు. కేవలం హావభావాలతో ఉపాధ్యాయుడు కథలు చెబితే వాటిని వినడం ద్వారా పిల్లలలో సూక్ష్మంగా భావాలను గ్రహిస్తారని, ఇందులో కథాకథనం, అభిరుచి, జ్ఞాపకశక్తి, అభినయం అను వివిధ రకాల సామర్థ్యాలను సాధిస్తారని నిరూపిస్తారు. పరీక్షలంటే భాషను వశపరచుకోవడం అనే విషయాన్ని ఉపాధ్యాయులు గ్రహించాలనేది ఇందులో సారాంశం.
ఈ పుస్తకంలో గిజూభాయి గారు పరీక్షల గురించి చెబుతూ, " విద్యార్థి తనంతట తాను ఇష్టపడి, తపనతో, అభిరుచితో, ఆసక్తితో చదువుతున్నపుడు , అదే విధంగా ఉపాధ్యాయుడు కూడా తనలోని జ్ఞానాన్ని విద్యార్థికి అందజేయాలనే కోర్కెతో పాఠాలు చెప్పినపుడు పరీక్షా వ్యవస్థ అవసరం లేకపోవచ్చు" అంటారు. నేటి పరీక్షలలోని మూల్యాంకనం, ర్యాంకుల విధానం వలన పిల్లలలో చిన్నప్పటి నుండే క్రూరమైన, ఒకరి గొంతులు ఒకరు కోసుకునే పోటీ మనస్తత్వం తయారౌతుందనేది వీరి ఆవేదన.
అలాగే ఆట, పాటల పోటీలలో పిల్లలకు ఇచ్చే బహుమసుల కంటే, అదే ఖర్చుతో పాఠశాలలో ఒక గ్రంథాలయాన్ని స్థాపించడం ఉత్తమమనేది మనందరం అంగీకరించాల్సిన విషయం.
ఈ రీతిలో విద్యను నేర్పించే క్రమంలో తోటి ఉపాధ్యాయులతోనూ, ప్రధానోపాధ్యాయుల వారితోనూ, నిరసనలు ఎదురౌతాయి. తల్లిదండ్రులతో గొడవలు కూడా వస్తాయి. ఇలాంటి అనేకమైన వివిధ రకాల మెఱుగైన పద్ధతులతో అలాంటి వాతావరణంతో కూడుకునియున్న ఆ పాఠశాలలోని అలాంటి విద్యార్థులకు విద్య పట్ల ఆసక్తిని ఎలా రేకెత్తించారో ? ఎలాంటి పద్ధతులు అనుసరించి తెలుగు, సామాన్య , సాంఘిక శాస్త్రాలు, వ్యాకరణాన్ని, స్వీయ రచనా సామర్థ్యాలను, పత్రికల తయారీని, ఆట, పాటల ద్వారా ఆసక్తికరంగా వారిలో అన్ని రకాల విద్యా సామర్థ్యాలు ఎలా సాధించారనే గిజూభాయి గారి ప్రత్యక్ష అనుభవ సారమే ఈ "పగటికల".
ఏ విద్యార్థినీ ఇబ్బంది పెట్టని అద్భుతమైన ఆహ్లాదకరమైన మూల్యాంకనా విధానాన్ని చేసి చూపిస్తారు గిజూభాయి గారు ఇందులో. వార్షికోత్సవం అంటే ఎలా వుండాలో కూడా చూపించి నిరూపిస్తారు. బోధనలో మూస పద్ధతి, బట్టీ పద్ధతులకు స్వస్తి చిప్పి, అధికారికి ఇచ్చిన ఒప్పందం ప్రకారం మాట నిలబెట్టుకుని, ఉపాధ్యాయుల, ప్రధానోపాధ్యాయుని, అధికారుల ప్రశంసలు అందుకుంటారు. ఇంత మంచి బోధనా పద్ధతులున్న ఈ పుస్తకాన్ని, తప్పకుండా ప్రతి ఉపాధ్యాయుడు చదవవలసిన అవసరం ఎంతైనా వున్నది. ఈ పుస్తకం చదివిన ఉపాధ్యాయుడు వీటిని అనుసరిస్తే , ఏ పాఠశాలలోనైనా దండన, శిక్షలు లేకుండా విద్యార్థులను తీర్చిదిద్దగలుగుతారనడంలో ఏమాత్రం అతిశయోక్తి లేదు. వీరి పద్ధతులను తు.చ. తప్పకుండా అనుసరించిన ఉపాధ్యాయులు ఇది " పగటికల " కాదు, ఎవరైనా సాధించగల " నిజమైన కల " అని ఒప్పుకుని తీరుతారు .
సమీక్ష : మద్దిరాల శ్రీనివాసులు,
౩వ తరగతి తెలుగు పాఠ్య పుస్తక రచయిత,
సెల్ : 9010619066
( పుస్తక సమీక్ష )
నైతిక విలువలకు నెలవు - "కథా చిత్రాలు, - బతుకు పాఠాలు " " పుస్తకం ఈ పుస్తకము యొక్క సమీక్షను.... ఈ లింక్ ద్వారా pustakam.net లో చదువుటకు ఇక్కడ క్లిక్ చేయండి.
- మద్దిరాల శ్రీనివాసులు, టీచర్
పుస్తకం పేరును గమనిస్తే "కథాచిత్రాలు" అనగా " మన కళ్ళముందు కనపడే ఆ కథల భావ దృశ్యాలు" అనీ, "బతుకు పాఠాలు" అనగా "మన జీవితాలలో జరిగే అనుభవ సారాలు" గా వెరసి, జీవితంలో ఎదుర్కొనబోయే అనుభవ సారాలు అనే అద్భుత భావాన్ని పుస్తకం పేరులోనే స్ఫురింపజేశారు. జీవిత సత్యాన్ని తెలియజేసే మంచి బొమ్మ ముఖచిత్రంగా చక్కగా, ఆకర్షణీయంగా, తగినదిగా పాణిగారి కుంచె అద్భుతాన్ని సృష్టించింది.
నేటి కాలంలో దాదాపుగా ప్రతి పాఠశాలలో కూడా " చదువు, పరీక్ష, ర్యాంకు" అనే ముచ్చటైన మూడు ముక్కలాటకు తప్ప, నైతిక విలువలకు, కళలకు ఏ మాత్రం ప్రాధాన్యత లేని పరిస్థితి నెలకొని వున్నది. ఇటువంటి తరుణంలో దేవినేని సీతారావమ్మ ఫౌండేషన్ వారు పిల్లలలో నైతిక విలువలను పెంపొందించడానికి, రేపటి కాలానికి ఒక మంచి తరాన్ని అందివ్వాలనే సదుద్దేశంతో ఇటువంటి ఒక మంచి పుస్తకాన్ని విడుదల చేయడం ముదావహం.
ఈ పుస్తకం లోని కథలలోకి తొంగి చూస్తే,
ప్రారంభంలోనే తాను జైలులో వుండి కూడా ముసలివాడైన తన తండ్రికి ఎలాగైనా సాయపడాలని మనసులో ఒక ధృఢ సంకల్పంతో కేవలం ఒక ఉత్తరం రాయడం ద్వారా నాన్న పొలాన్ని దున్నింపజేస్తాడు. అలా మనసులో సంకల్పం వుండాలే కాని, ఏదైనా సాధించవచ్చుననే మంచి మనస్తత్వంతో కూడిన విలువున్న కథ "ఉత్తరం దున్నిన పొలం" పుస్తకానికే హైలెట్.
"నిజమైన స్నేహితుడు" కథలో
హరీష్ అనే అబ్బాయికి లుకేమియా వ్యాధి రావడం వలన కీమో థెరపి చేయాల్సివస్తుంది. దాని సైడ్ ఎఫెక్ట్ వలన బాబుకు జుట్టు అంతా రాలి పోతుంది. తోటి పిల్లలంతా ఎగతాళి చేస్తారు. హరీష్ బడికి రావడానికే భయపడతాడు. కాని, ఆ తరగతిలో చదువుతున్న ఏడేళ్ళ సింధు అనే పాప మాత్రం ఆ బాబు ఇంటికి వెళ్ళి, ధైర్యం చెప్పి, తాను బడికి రావాలని , ఎగతాళి వ్యవహారం తాను చూసుకుంటానని చెపుతుంది. హరీష్ కు తోడుగా తాను ఆడపిల్ల అయి వుండీ కూడా తన తల్లిదండ్రులచే ఒట్టు వేయుంచుకొని మరీ , వాళ్ళు బాధపడినా తన జుట్టు మొత్తం తీయుంచుకుంటుంది. విషయం తెలిశాక పాప తల్లిదండ్రులు కూడా కూతురు చిన్నదైనా అంత ఉన్నతంగా ఆలోచించినందుకు సంతోషపడతారు. అలా ఎగతాళి చేస్తున్న పిల్లలకు అంత చిన్న వయసులోనే కనువిప్పు కలిగించిన సింధు అనే పాప నడవడిక ఈ కథ చదివిన పిల్లలకైనా, పెద్దలకైనా కళ్ళు చెమర్చేలా చేస్తుంది.
పిల్లలలో నైతిక విలువలు పెంపొందింప జేయడానికి సంబంధించిన కథలు వుండడం ఒక ఎత్తైతే,
అహింసా మార్గంలో కూడా పిల్లలలో మంచి గుణాలను పెంపొందించవచ్చునని చెప్పే "గాంధేయవాదం" , ఎంతటి క్లిష్టమైన సమస్యలకైనా పరిష్కారం వుంటుందని తెలిపే "మెదడుకు మేత" లాంటి పెద్దలకు, పిల్లలకు సంబంధించిన కథలుండడం మరో ఎత్తు.
ఈ విధంగా ఈ పుస్తకంలోని ఇరవై ఐదు కథలలో ప్రతి కథా అద్భుతమే. విలువలతో కూడినదే. చిన్నా, పెద్దా అందరూ చదువదగిన పుస్తకం ఇది.
నేటి పిల్లలు అందరూ రాబోయే కాలానికి వారధులు, సమాజ నిర్మాణ సారధులు కాబట్టి, ఆ పిల్లల బాల్యం ఎప్పుడూ తల్లి,తండ్రి, ఉపాధ్యాయుల చెంతనే వుంటుంది కాబట్టి, ఈ పుస్తకాన్ని ముందుగా వారు చదవాలి. అప్పుడు తప్పకుండా సమజంలో కొంత మార్పు వస్తుందనేది నా ప్రగాఢ విశ్వాసం.
పొందికైన వాక్య నిర్మాణాలతో, అలతి అలతి పదాలతో చిన్నారులకు సైతం అతి తేలికగా అర్థమయ్యేలా వున్న ఈ అనువాద రచన చేసిన చిలకపాటి రవీంద్రకుమార్ సృష్టి అనిర్వచనీయం.
ఇంత మంచి
విలువలున్న ఈ పుస్తకాన్ని కేవలం 22-00 రూపాయలకే అందిస్తున్నారు దేవినేని
సీతారావమ్మ ఫౌండేషన్ వారు. పుస్తకమును పొందుటకు దేవినేని మధుసూధనరావు, చైర్మన్,
దేవినేని సీతారావమ్మ ఫౌండేషన్, తెన్నేరు-521 260, కృష్ణా జిల్లా చిరునామాలో గానీ, లేదా
ఫోన్:0866-2862424 లోనూ మరియు email:mdevineni@gmail.com ద్వారా సంప్రదించవచ్చును.
నా ఈ సమీక్షను www.pustakam.net లో ఈ క్రింది లింక్ ద్వారా చూడవచ్చును
http://pustakam.net/?p=17549
ఉపాధ్యాయునికి
ఒక చక్కని చుక్కాని - "పల్లె పిలిచింది" నవల
-మద్దిరాల శ్రీనివాసులు, టీచర్
ప్రసాద్ అనే ఉపాధ్యాయుడు ఏ మాత్రం
ఎదుగూ,బొదుగూ లేని ఒక సాధారణ పాఠశాలను అక్కడి గ్రామస్తులు,ఉపాధ్యాయుల సహకారం
సాధించి ఎలా అద్భుతంగా అభివృద్ధి చేశాడనే ఉదంతంతో వ్రాసిన నవల.
నా ఈ సమీక్షను www.pustakam.net లో ఈ క్రింది లింక్ ద్వారా చూడవచ్చును
http://pustakam.net/?p=17549
ఉపాధ్యాయునికి
ఒక చక్కని చుక్కాని - "పల్లె పిలిచింది" నవల
-మద్దిరాల శ్రీనివాసులు, టీచర్
ప్రసాద్ అనే ఉపాధ్యాయుడు ఏ మాత్రం
ఎదుగూ,బొదుగూ లేని ఒక సాధారణ పాఠశాలను అక్కడి గ్రామస్తులు,ఉపాధ్యాయుల సహకారం
సాధించి ఎలా అద్భుతంగా అభివృద్ధి చేశాడనే ఉదంతంతో వ్రాసిన నవల.
సూక్ష్మంగా నవలలోకి తొంగి చూస్తే , ఒక సినిమా ఫక్కీలో
సాగుతుంది ఈ కథ. ఇది మనం చెప్పుకోబోయే ప్రసాద్ అనే ఉపాధ్యాయుని ఆత్మకథ గా
చెప్పుకోవచ్చు. ఎందుకంటే ఆ ఉపాధ్యాయునికి చిత్తూరు జిల్లా లో ఎక్కడో ఒక మారు మూలనున్న
జంబాడ అనే గ్రామానికి బదిలీ అవుతుంది.
అతనో బ్యాచులర్. అతను ఇబ్రహీం అనే ఒక అనాధ బాలుడిని చేరదీసి తన వద్దే వుంచుకుంటూ
చదివిస్తుంటాడు. ఆ అబ్బాయితో కలిసి ఎక్కడ వుందో తెలియని జంబాడ గ్రామాన్ని చిరునామా
సహాయంతో ఆరా తీసుకుంటూ సాగే ప్రయాణంతో ప్రారంభం అవుతుంది ఈ నవల.
అంతకు ముందు చిత్తూరు పాఠశాలలో తాను పని చేస్తున్నపుడు
అక్కడి కమిటీ ప్రెసిడెంట్ గారి బావమరిదికి సున్న మార్కులు వస్తే ప్రమోట్ చేయలేదని
నీతి,నిజాయితీ లతో చక్కగా పాఠాలు చెప్పే తనను జంబాడకు హెడ్ మాస్టర్ గా ట్రాన్స్
ఫర్ చేశారు. ఎప్పుడో ఉదయం బయలుదేరిన తను గత స్మృతులు తలచుకుంటూ అతి కష్టంమీద
జంబాడకు చీకటి పడే వేళకు చేరుకుంటాడు. అప్పటికే ఆ పాఠశాలలో హెడ్ మాస్టర్ గా
ఉన్నతను కొత్తగా తన స్థానంలో వచ్చే వారి కోసం ఎదురు చూస్తుంటాడు. ప్రసాద్ గారు ఇలా
వెళ్ళారో లేదో వెంటనే ఛార్జ్ ఇచ్చేసి పరిగెత్తుకుంటూ జైలు లోంచి విడుదలైన ఖైదీలా
పరిగెత్తుతాడు. అప్పటికే ఆ పాఠశాలలో
యాభైఆరు మంది పిల్లలతో ముగ్గురు పనిష్మెంట్ పైన, ఇద్దరు కొత్తగా పోస్టింగ్
అయిన టీచర్స్ వున్నారని తెలుస్తుంది. రాత్రికి శ్రీనివాసులు అనే సీనియర్ టీచర్
వాళ్ళ ఇంట్లో బస చేస్తాడు. తరువాత గతంలో ఉన్న హెడ్ మాస్టర్ ఎప్పుడూ బడికి సరిగా
రాకుండా సంతకాలు చేయడం , జీతాలు తీసుకోవడం తప్ప ఏమీ చేయడని తనమీదే బడి బాధ్యత
ఉంచుతాడని శ్రీనివాసులు సార్ చెప్తాడు. కొన్ని రోజుల తర్వాత అక్కడి వాతావరణంలో
ఇమడలేక తాను ఇక్కడ ఉండలేనని ప్రసాద్ సార్
ట్రాన్స్ ఫర్ చేయుంచుకొని వస్తానని శ్రీనివాసులు సార్ తో చెప్పి తన ప్రయత్నాలు
చేసి కుదరక అదే ఊర్లో వుండవలసి వస్తుంది. ఇక అప్పటినుండి ఆ పాఠశాలలోనే వుంటూ తనవృత్తిపై
గల అంకితభావంతో తోటి ఉపాధ్యాయులలోనూ, గ్రామస్తులలోనూ, ప్రెసిడెంటు, కమిటీ
మెంబర్లలోనూ ఒక్కొక్కరిగా మార్పు తెస్తాడు.
రకరకాల వ్యక్తిత్వాలున్న వాళ్ళ సహకారం సాధించుతాడు. అందరిలోనూ చైతన్యం
తెస్తాడు. చివరికి ఆ పాఠశాలను ఆదర్శవంతంగా తీర్చి దిద్దుతాడు ప్రసాద్ సార్. విద్యార్థులలో
బోధన, బోధనేతర విషయాలు నేర్పుతూ, పిల్లలను విద్యావంతులను చేస్తూనే పాఠశాలకు నూతన
స్థలం సాధించి, అందులో కొత్త పాఠశాల నిర్మాణం కూడా చేపట్టడం జరుగుతుంది. బడి ముఖం
కూడా చూడని గ్రామస్తులు, చివరికి ప్రసాద్ సార్ ట్రాన్స్ ఫర్ పై ఆ ఊరు వదలి
వెళుతుంటే కంట తడి పెట్టని వారు లేరు. వృత్తిలో అంకితభావం, పని పట్ల నిబద్ధత,
సమాజం పట్ల బాధ్యత, కలిగి నిస్వార్ధము తో కూడిన ప్రసాద్ గారి జీవితం ప్రతి
ఉపాధ్యాయునికి ఆదర్శం. కాబట్టి ప్రతి ఉపాధ్యాయుడూ ఆశావాద దృక్పథంతో వుంటే
సాధించలేనిది ఏదీ లేదని నిరూపించిన పాత్ర ప్రసాద్ గారిది.
ఇందులో శ్రీనివాసులు సార్ ఎంతో ఉన్నతంగా ఆలోచించి
పరోపకారంతో తన భార్య ఉద్యోగాన్ని వదులుకోవడం హైలెట్. ప్రసాద్ సార్ కొలీగ్స్ నడుచుకునే కలుపుగోలుతనం,
గ్రామస్తుల పరిచయాలు, పనుల సాధించడం, మొ!!నవన్నీ నేటి టీచర్లకు ఆదర్శాలే. రచయిత వెంకటరత్నం
గారు చిత్తూరు జిల్లా లోని , యాస, భాషలతో నవలలో వాస్తవికతను కళ్ళకు కట్టించాడు.
అందమైన పల్లె వాతావరణంతో కూడిన బాజీ గారు అందించిన
ముఖచిత్ర్రం ఈ పుస్తకానికి మరో హైలెట్. 39 భాగాలుగా 231 పేజీలలో రచించిన ఈ నవల
పాఠకులను బ్రేక్ లేకుండా చదివింపజేస్తుంది. కథ అయినా ఇది ప్రతి ఉపాధ్యాయుడికీ ఒక
చక్కని గైడ్. ఆచరణ సాధ్యమయిన కథ ఇది. రచయితకు తొలి నవలయినా రచనలో ఎంతో అనుభవం
వున్నట్లే అనిపిస్తుంది. సముద్రంలో ప్రయాణించే నావలోని వారికి చుక్కాని లాగా బోధనచేయుచున్న ప్రతి ఉపాధ్యాయుడు ఈ
నవల తప్పక చదివి తీరవలసిందే. ఇంత మంచి నవలను 2001 లో ద్వితీయ ముద్రణ ద్వారా మనకు
అందించిన హైటెక్ ప్రింట్ సిస్టమ్ లిమిటెడ్ అధినేత శ్రీ దేవినేని మధుసూధన రావు
ఎంతైనా కృతజ్ఞతలు తెలపాలి. అనేకమంది విద్యావేత్తలు, ఈనాడు, ఆంధ్రజ్యోతి, ఇండియా
టుడే, ఆంధ్రభూమి వంటి అనేక పత్రికలు కూడా కొనియాడిన నవల ఇది.
ఆనాటి ఈ నవల ఖరీదు రూ.75.౦౦ లు. ఉపాధ్యాయుడికి అందుబాటులో
వున్న ఖరీదే. కానీ, నేటి పాఠశాల ఉపాధ్యాయులకు బోధనలో మెళకువలకై ఎన్నో శిక్షణలు,
పుస్తకాలు అందిస్తున్న మన రాష్ట్ర ప్రభుత్వం ఈ నవలను రాష్ట్రంలోని ప్రతి పాఠశాలకు
పంపిణీ చేయవలసిన అవసరం, ప్రతి ఉపాధ్యాయునిచేత చదివించవలసిన అవసరం ఎంతైనా వున్నదని
నేను నొక్కి వక్కాణిస్తున్నాను.
ఈ నవలా కాపీలకు “దేవినేని
మధుసూధనరావు, చైర్మన్, దేవినేని సీతారావమ్మ ఫౌండేషన్, తెన్నేరు-521 260, కృష్ణా
జిల్లా చిరునామాలో గానీ, లేదా ఫోన్:0866-2862424 లోనూ మరియు email:mdevineni@gmail.com ద్వారా సంప్రదించవచ్చును.
" నొప్పి డాక్టరు "పుస్తక సమీక్ష
వ్యాసకర్త: మద్దిరాల శ్రీనివాసులు, టీచర్,
త్రిపురాంతకం, సెల్: 9010619066
**********
పిల్లలకు సరదాగా, జాలీగా పుస్తక పఠనంపై ఆసక్తి, నైతిక విలువలు పెంపొందించే
ఉద్దేశంతో ముద్రింపబడిన పుస్తకం ఇది. సహజంగా డాక్టరు గారి లాగే పక్షి, జంతు
ప్రేమికులైన పిల్లలకు ఈ పుస్తకం ఆసక్తిగానే వుంటుందని నేను
భావిస్తున్నాను. అంతే కాకుండా ” ఖుషి” టివి లాంటి చానల్స్ లో వచ్చే
కార్టూన్ సినిమాలను వదలకుండా చూస్తున్న నేటి బాలల కోసం, ఒక కార్టూన్
సినిమాను చూసిన ఫీలింగ్ కలిగేలా పుస్తక రూపంలో అందించడం బాగుంది. వినోదంతో
పాటు జంతువులకు, పక్షులకు సంబంధించిన విజ్ఞానం కూడా వారికి అందిస్తుందీ
పుస్తకం. పుస్తకం పేరు, లోపలి భాష, జంతువుల, పక్షుల చేష్టలు పిల్లలను చాలా
బాగా ఆకట్టుకుంటాయి ఇందులో. పిల్లల మెదడును ఆలోచింపజేస్తుంది. ఇతరులను
గౌరవించడం , మంచిగా మాట్లాడే విధానం, అందరినీ కలుపుకుపోవడం, జంతువులను
ప్రేమించడం లాంటి నైతిక విలువలు కూడా నేర్చుకుంటారు. ఒక్క మాటలో చెప్పాలంటే
టి.వి.లకు అతుక్కుపోతూ, చదవడంపై
ఆసక్తి లేని పిల్లలున్న కాలమిది. అలాంటి పిల్లలను సైతం పుస్తక పఠనం వైపు మళ్ళించగల ఒక మంచి టానిక్ ఈ “నొప్పిడాక్టర్” పుస్తకం.
హాయ్ ! పిల్లలూ. మీకోసం ఓ మంచి పుస్తకమర్రా !ఏంటి పుస్తకం పేరా?
విచిత్రంగా వుంది కదూ! నాక్కూడానూ. అందుకే వెంటనే చదివేశాను. భలే తమాషాగా
వుంది. చాలా సరదాగా కూడా వుంది. చదువుతుంటే, ఖుషి టి.వి.లో కార్టూన్ సినిమా
చూసినంత ఉల్లాసమేసింది. ఊ…..నిజం. కాస్త రుచి
చూపించమంటారా….?! సరే అయితే….
నొప్పి డాక్టరు గారితో వాళ్ళ అక్క “వర్వారా”, ఇద్దరు పిల్లలు తాన్యా,
వాన్యా వుంటారు. డాక్టరు గారు జంతు, పక్షి ప్రేమికుడు. ఎంతటి జంతు
ప్రేమికుడంటే, తన ఇంట్లో ఎప్పుడూ అల్మారాలో ఉడుత, గదిలో కుందేళ్ళు, చెక్క
అరలో కాకి, సోఫాలో ముళ్ళపంది ఇలా ఆయన చుట్టూ ఎప్పుడూ తిరుగుతుంటాయి. పైగా
డాక్టర్ గారు జాలి గుండె కలవారు. అందుకే ప్రకృతి కంటే కూడా డాక్టరు గారి
ఇల్లే వాటికి స్వర్గంలా అనిపించేది. అతని దగ్గరకు వచ్చే రోగులంతా
నొప్పి,..నొప్పి… అంటూ వస్తుంటారు. వారికి వచ్చిన ఎలాంటి నొప్పినైనా సరే!
క్షణాల్లో తన వైద్యంతో మాయం చేస్తారు. అందుకే అందరూ “నొప్పి డాక్టరు ” అని
పిలవసాగారు. ఈయన దగ్గరికి వైద్యం కోసం వచ్చి డాక్టరు గారి ఇంట్లో వాతావరణం
చూసి, ముగ్ధులైపోయి అక్కడ సెటిలైపోయినవారే వాన్యా, తాన్యా లు. అంతటి
ఆకర్షణీయ వాతావరణం అక్కడ ఉంటుంది. ఆయన అందరిపై చూపించే ప్రేమ అలాంటిది మరి.
ఇందులో ప్రాణుల పేర్లు కూడా చాలా విచిత్రంగా , తమాషాగా వుంటాయి. బాతు
పేరు “కికా”, పంది పిల్ల పేరు “గుర్రు గుర్రు”, చిలుక పేరు “కరుడొ”,
గుడ్లగూబ పేరు “బుంబా….ఇలా. అంతే కాదర్రోయ్! ఇందులో జంతువులు, పక్షులు
మాట్లాడతాయి కూడా ! ఆ…. వాటి భాష కూడా భలే తమాషాగా వుంది. ఏంటి? నమ్మడం
లేదా? అయితే ఓ చిన్న సంభాషణ చూడండి.
ఒక రోజు ఒక గుర్రం, “లామా, వనోయ్, ఫిఫి, కుకు” అంటూ మన డాక్టరు గారి
దగ్గరకు వస్తుంది. అంటే….”నాకు కళ్ళు పోటుగా వున్నాయి. కళ్ళజోడు ఇవ్వండి”
అని అర్థమట. వెంటనే మన డాక్టరు గారు, “కపూకీ, కపూమాకీ” అంటాడు. అంటే,
“దయచేసి కూర్చోండి” అని అట. ఏంటీ! ఇదేం భాషా? అనుకుంటున్నారు కదూ! అదేమరి,
జంతు భాష అంటే. వాళ్ళకు అర్థమయ్యిందిలెండి. అందుకే డాక్టరు గారు అలా అనగానే
అది కూర్చుంది. ఇంకేముంది, కళ్ళకు అద్దాలు పెట్టేశారు మరి. ఫీజు లేదు,
బిల్లూ లేదు. ఉచితమేనర్రా! ఊ….. చూశారా! మన డాక్టరు గారిది జాలిగుండె అని
తెలిసిందిగా. వెంటనే దానికి కళ్ళ నొప్పి ఇట్టే మాయమయింది. వారెవ్వా…!
నొప్పి డాక్టరా …మజాకానా…!. ఇక వెంటనే ఆ గుర్రం “చాకా” అంటూ తోక
ఆడించుకుంటూ, జాలీగా కళ్ళద్దాలతో వీథిలోకి వెళ్ళిపోయింది. “ఓ! “చాకా”
అంటేనా? ధన్యవాదాలు అనట.
ఇలా గుర్రం వలన విషయం తెలుసుకున్న కళ్ళ నొప్పులున్న ఆవులూ, కుక్కలూ, పిల్లులూ, ఆఖరికి ముసలి కాకులు కూడా మన డాక్టరు గారి దగ్గరికి
వస్తున్నాయి. వాటన్నిటికీ కూడా కళ్ళజోళ్ళను ఫ్రీగా తగిలించేవారు. ఈ విధంగా
ఊళ్ళో మనుషులతో పాటు అడవిలోని జంతువులూ, పక్షులు, నీళ్ళలోని
తాబేళ్ళు, ఆకాశంలోని కొంగలూ, గ్రద్దలూ నొప్పులున్న ప్రతి ప్రాణీ ధైర్యంగా
డాక్టరు గారి దగ్గరికి వైద్యానికి వచ్చేవి. కొద్ది కాలంలోనే మన
నొప్పిడాక్టరు గారికి అందరూ అభిమానులైపోయారు.
ఇంకో రోజు మెడనొప్పి అంటూ, ఒక కోతి వస్తుంది దాని పేరు “కిచకిచ”. దానికి
వైద్యం చేస్తారు. అది అక్కడే వుండి పోతుంది. ఒకనాడు దాని యజమాని
వస్తాడు. అతను రాగానే మన టామీ, “గుర్..గుర్…” మంటుంది. అంటే “పారిపో! లేకుంటే కరిచేస్తాను,” అని అర్థమట. బ్రతుకుజీవుడా! అనుకుంటూ
పారిపోతాడతను. నొప్పి డాక్టరైనా నొప్పులే కాదర్రోయ్! రెక్క తెగిన సీతాకోక
చిలుక వస్తే, దానికి ఎర్ర చుక్కలతో మెరిసిపోతున్న సిల్కు గుడ్డతో రెక్క
కుట్టి , నిప్పుకు దూరంగా వుండమంటూ జాగ్రత్తలు చెప్పి మరీ పంపిస్తారు.
సూపర్ కదా! ఇందులో మరో విచిత్ర జంతువు కూడా వుందర్రోయ్. దాని పేరు “తోపుడు
లాగుడు”. ఆ… ఏంటి? నవ్వు వస్తోందా? అవును, జంతువుల పేర్ల లాగే ఈ కథల్లో
డైలాగులు కూడా ఇంకా చాలా …భలే భలే సరదాగా వున్నాయ్.
“కరాబుకి, మరాబుకి, బూ” అంటే “మీకు సాయం చేయకుండా ఎలా వుంటాం?”
“ఆబుజో, మబుజో, బాక్” అంటే “మేము మిమ్మల్ని వదిలిపెట్టం, మీ నమ్మిన నేస్తాలుగా ఉండిపోతాం”
“కిసాఫా, మాక్” అనగా “ఇది నొప్పి డాక్టర్ గారి ఇల్లేనా?” అనట. భలే వున్నాయి కదా!
అంతేనా? ఇలా జంతువులు, డాక్టరు గారు కలిసి కోతులకు వైద్యం చేయడానికని,
సముద్రంలో ఓడపై ఆఫ్రికా కూడా వెళ్తారు. మరి ఈ ప్రయాణంలో డాక్టరు గారికి
చాలా ఇబ్బందులు ఎదురవుతాయి. అప్పుడు మన డాక్టరు గారికి జంతువులు సాయం
చేస్తాయి. ఇలా ఎంతో సరదాగా సాగే, “మర్కట రాజ్యానికి యాత్ర,”, పింటూ,
సముద్రపు దొంగలు” అనే రెండు కథలు సరదా సరదా బొమ్మలతో ఇందులో చాలా బాగా
వున్నాయి . ఏంటి? రుచి చూపిస్తూ ఉంటేనే మనసు ఊరించి పోతోందా!? అయితే, ఇంకేం
? చదివేయండి మరి ఈ పుస్తకాన్ని. మీకు బోలెడన్ని విషయాలు తెలుస్తాయి. చాలా
ఎంజాయ్ చేస్తారు.
ఎంతో సరదాగా , జాలీగా విజ్ఞానంతో కూడిన ఈ పుస్తకం రష్యా భాషలో “కొర్నేయ్ చుకోవ్ స్కీ”
అనే రచయిత వ్రాయగా 1986 లో ప్రథమంగా ముద్రింపబడింది. దీనిని “ఆర్వియార్ ”
అనే రచయిత తెలుగులో అనువదించగా, వి.దువిదేవ్ గారితో చక్కని బొమ్మలు
వేయించి, పిల్లల ప్రేమికులు, బాలలసాహిత్య ప్రచురణ కర్తలు అయిన దేవినేని
సీతారావమ్మ ఫౌండేషన్ వారు చక్కటి అందమైన బైండింగ్ తో పిల్లలు చదివేందుకు
వీలైన అచ్చుతో ఇదిగో ఇటీవలనే జులై 2015 లోనే ఇలా ఇండియాలో మన ముందుకు
తెచ్చారు.
180 పేజీలతో హైదరాబాద్ లోని చరిత ఇంప్రెషన్స్ వారు ముద్రించిన ఈ బుక్ చాలా ఇంప్రెసివ్ గా వున్నది. దీని ఖరీదు రూ|| 200-00 లు. కాస్త
ఖరీదనిపించినా, దీన్ని చదివిన పిల్లలు పొందే ఆనందం, విజ్ఞానాల ముందు ధర దిగదుడుపే.
ప్రతులు దేవినేని సీతారావమ్మ ఫౌండేషన్, తెన్నేరు, కృష్ణా జిల్లా, పిన్: 521260 అను చిరునామాలోనూ; సెల్: 9989051200, email:
mdevineni@gmail.com ద్వారానూ పొందవచ్చును.
మరో చిరునామా: మంచి పుస్తకం, 12-13-439, వీథి నెం:1, తార్నాక,
సికింద్రాబాద్, పిన్:500017, సెల్: 9490746614, email:
info@manchipustakam.in, website: www.manchipustakam.in
" నొప్పి డాక్టరు "పుస్తక సమీక్ష
వ్యాసకర్త: మద్దిరాల శ్రీనివాసులు, టీచర్,
త్రిపురాంతకం, సెల్: 9010619066
**********
పిల్లలకు సరదాగా, జాలీగా పుస్తక పఠనంపై ఆసక్తి, నైతిక విలువలు పెంపొందించే ఉద్దేశంతో ముద్రింపబడిన పుస్తకం ఇది. సహజంగా డాక్టరు గారి లాగే పక్షి, జంతు ప్రేమికులైన పిల్లలకు ఈ పుస్తకం ఆసక్తిగానే వుంటుందని నేను భావిస్తున్నాను. అంతే కాకుండా ” ఖుషి” టివి లాంటి చానల్స్ లో వచ్చే కార్టూన్ సినిమాలను వదలకుండా చూస్తున్న నేటి బాలల కోసం, ఒక కార్టూన్ సినిమాను చూసిన ఫీలింగ్ కలిగేలా పుస్తక రూపంలో అందించడం బాగుంది. వినోదంతో పాటు జంతువులకు, పక్షులకు సంబంధించిన విజ్ఞానం కూడా వారికి అందిస్తుందీ పుస్తకం. పుస్తకం పేరు, లోపలి భాష, జంతువుల, పక్షుల చేష్టలు పిల్లలను చాలా బాగా ఆకట్టుకుంటాయి ఇందులో. పిల్లల మెదడును ఆలోచింపజేస్తుంది. ఇతరులను గౌరవించడం , మంచిగా మాట్లాడే విధానం, అందరినీ కలుపుకుపోవడం, జంతువులను ప్రేమించడం లాంటి నైతిక విలువలు కూడా నేర్చుకుంటారు. ఒక్క మాటలో చెప్పాలంటే టి.వి.లకు అతుక్కుపోతూ, చదవడంపై
ఆసక్తి లేని పిల్లలున్న కాలమిది. అలాంటి పిల్లలను సైతం పుస్తక పఠనం వైపు మళ్ళించగల ఒక మంచి టానిక్ ఈ “నొప్పిడాక్టర్” పుస్తకం.
హాయ్ ! పిల్లలూ. మీకోసం ఓ మంచి పుస్తకమర్రా !ఏంటి పుస్తకం పేరా? విచిత్రంగా వుంది కదూ! నాక్కూడానూ. అందుకే వెంటనే చదివేశాను. భలే తమాషాగా వుంది. చాలా సరదాగా కూడా వుంది. చదువుతుంటే, ఖుషి టి.వి.లో కార్టూన్ సినిమా చూసినంత ఉల్లాసమేసింది. ఊ…..నిజం. కాస్త రుచి
చూపించమంటారా….?! సరే అయితే….
నొప్పి డాక్టరు గారితో వాళ్ళ అక్క “వర్వారా”, ఇద్దరు పిల్లలు తాన్యా, వాన్యా వుంటారు. డాక్టరు గారు జంతు, పక్షి ప్రేమికుడు. ఎంతటి జంతు ప్రేమికుడంటే, తన ఇంట్లో ఎప్పుడూ అల్మారాలో ఉడుత, గదిలో కుందేళ్ళు, చెక్క అరలో కాకి, సోఫాలో ముళ్ళపంది ఇలా ఆయన చుట్టూ ఎప్పుడూ తిరుగుతుంటాయి. పైగా డాక్టర్ గారు జాలి గుండె కలవారు. అందుకే ప్రకృతి కంటే కూడా డాక్టరు గారి ఇల్లే వాటికి స్వర్గంలా అనిపించేది. అతని దగ్గరకు వచ్చే రోగులంతా నొప్పి,..నొప్పి… అంటూ వస్తుంటారు. వారికి వచ్చిన ఎలాంటి నొప్పినైనా సరే! క్షణాల్లో తన వైద్యంతో మాయం చేస్తారు. అందుకే అందరూ “నొప్పి డాక్టరు ” అని పిలవసాగారు. ఈయన దగ్గరికి వైద్యం కోసం వచ్చి డాక్టరు గారి ఇంట్లో వాతావరణం చూసి, ముగ్ధులైపోయి అక్కడ సెటిలైపోయినవారే వాన్యా, తాన్యా లు. అంతటి ఆకర్షణీయ వాతావరణం అక్కడ ఉంటుంది. ఆయన అందరిపై చూపించే ప్రేమ అలాంటిది మరి.
ఇందులో ప్రాణుల పేర్లు కూడా చాలా విచిత్రంగా , తమాషాగా వుంటాయి. బాతు పేరు “కికా”, పంది పిల్ల పేరు “గుర్రు గుర్రు”, చిలుక పేరు “కరుడొ”,
గుడ్లగూబ పేరు “బుంబా….ఇలా. అంతే కాదర్రోయ్! ఇందులో జంతువులు, పక్షులు మాట్లాడతాయి కూడా ! ఆ…. వాటి భాష కూడా భలే తమాషాగా వుంది. ఏంటి? నమ్మడం లేదా? అయితే ఓ చిన్న సంభాషణ చూడండి.
ఒక రోజు ఒక గుర్రం, “లామా, వనోయ్, ఫిఫి, కుకు” అంటూ మన డాక్టరు గారి దగ్గరకు వస్తుంది. అంటే….”నాకు కళ్ళు పోటుగా వున్నాయి. కళ్ళజోడు ఇవ్వండి” అని అర్థమట. వెంటనే మన డాక్టరు గారు, “కపూకీ, కపూమాకీ” అంటాడు. అంటే, “దయచేసి కూర్చోండి” అని అట. ఏంటీ! ఇదేం భాషా? అనుకుంటున్నారు కదూ! అదేమరి, జంతు భాష అంటే. వాళ్ళకు అర్థమయ్యిందిలెండి. అందుకే డాక్టరు గారు అలా అనగానే అది కూర్చుంది. ఇంకేముంది, కళ్ళకు అద్దాలు పెట్టేశారు మరి. ఫీజు లేదు, బిల్లూ లేదు. ఉచితమేనర్రా! ఊ….. చూశారా! మన డాక్టరు గారిది జాలిగుండె అని తెలిసిందిగా. వెంటనే దానికి కళ్ళ నొప్పి ఇట్టే మాయమయింది. వారెవ్వా…! నొప్పి డాక్టరా …మజాకానా…!. ఇక వెంటనే ఆ గుర్రం “చాకా” అంటూ తోక ఆడించుకుంటూ, జాలీగా కళ్ళద్దాలతో వీథిలోకి వెళ్ళిపోయింది. “ఓ! “చాకా” అంటేనా? ధన్యవాదాలు అనట.
ఇలా గుర్రం వలన విషయం తెలుసుకున్న కళ్ళ నొప్పులున్న ఆవులూ, కుక్కలూ, పిల్లులూ, ఆఖరికి ముసలి కాకులు కూడా మన డాక్టరు గారి దగ్గరికి
వస్తున్నాయి. వాటన్నిటికీ కూడా కళ్ళజోళ్ళను ఫ్రీగా తగిలించేవారు. ఈ విధంగా ఊళ్ళో మనుషులతో పాటు అడవిలోని జంతువులూ, పక్షులు, నీళ్ళలోని
తాబేళ్ళు, ఆకాశంలోని కొంగలూ, గ్రద్దలూ నొప్పులున్న ప్రతి ప్రాణీ ధైర్యంగా డాక్టరు గారి దగ్గరికి వైద్యానికి వచ్చేవి. కొద్ది కాలంలోనే మన నొప్పిడాక్టరు గారికి అందరూ అభిమానులైపోయారు.
ఇంకో రోజు మెడనొప్పి అంటూ, ఒక కోతి వస్తుంది దాని పేరు “కిచకిచ”. దానికి వైద్యం చేస్తారు. అది అక్కడే వుండి పోతుంది. ఒకనాడు దాని యజమాని
వస్తాడు. అతను రాగానే మన టామీ, “గుర్..గుర్…” మంటుంది. అంటే “పారిపో! లేకుంటే కరిచేస్తాను,” అని అర్థమట. బ్రతుకుజీవుడా! అనుకుంటూ
పారిపోతాడతను. నొప్పి డాక్టరైనా నొప్పులే కాదర్రోయ్! రెక్క తెగిన సీతాకోక చిలుక వస్తే, దానికి ఎర్ర చుక్కలతో మెరిసిపోతున్న సిల్కు గుడ్డతో రెక్క కుట్టి , నిప్పుకు దూరంగా వుండమంటూ జాగ్రత్తలు చెప్పి మరీ పంపిస్తారు. సూపర్ కదా! ఇందులో మరో విచిత్ర జంతువు కూడా వుందర్రోయ్. దాని పేరు “తోపుడు లాగుడు”. ఆ… ఏంటి? నవ్వు వస్తోందా? అవును, జంతువుల పేర్ల లాగే ఈ కథల్లో డైలాగులు కూడా ఇంకా చాలా …భలే భలే సరదాగా వున్నాయ్.
“కరాబుకి, మరాబుకి, బూ” అంటే “మీకు సాయం చేయకుండా ఎలా వుంటాం?”
“ఆబుజో, మబుజో, బాక్” అంటే “మేము మిమ్మల్ని వదిలిపెట్టం, మీ నమ్మిన నేస్తాలుగా ఉండిపోతాం”
“కిసాఫా, మాక్” అనగా “ఇది నొప్పి డాక్టర్ గారి ఇల్లేనా?” అనట. భలే వున్నాయి కదా!
అంతేనా? ఇలా జంతువులు, డాక్టరు గారు కలిసి కోతులకు వైద్యం చేయడానికని, సముద్రంలో ఓడపై ఆఫ్రికా కూడా వెళ్తారు. మరి ఈ ప్రయాణంలో డాక్టరు గారికి చాలా ఇబ్బందులు ఎదురవుతాయి. అప్పుడు మన డాక్టరు గారికి జంతువులు సాయం చేస్తాయి. ఇలా ఎంతో సరదాగా సాగే, “మర్కట రాజ్యానికి యాత్ర,”, పింటూ, సముద్రపు దొంగలు” అనే రెండు కథలు సరదా సరదా బొమ్మలతో ఇందులో చాలా బాగా వున్నాయి . ఏంటి? రుచి చూపిస్తూ ఉంటేనే మనసు ఊరించి పోతోందా!? అయితే, ఇంకేం ? చదివేయండి మరి ఈ పుస్తకాన్ని. మీకు బోలెడన్ని విషయాలు తెలుస్తాయి. చాలా ఎంజాయ్ చేస్తారు.
ఎంతో సరదాగా , జాలీగా విజ్ఞానంతో కూడిన ఈ పుస్తకం రష్యా భాషలో “కొర్నేయ్ చుకోవ్ స్కీ” అనే రచయిత వ్రాయగా 1986 లో ప్రథమంగా ముద్రింపబడింది. దీనిని “ఆర్వియార్ ” అనే రచయిత తెలుగులో అనువదించగా, వి.దువిదేవ్ గారితో చక్కని బొమ్మలు వేయించి, పిల్లల ప్రేమికులు, బాలలసాహిత్య ప్రచురణ కర్తలు అయిన దేవినేని సీతారావమ్మ ఫౌండేషన్ వారు చక్కటి అందమైన బైండింగ్ తో పిల్లలు చదివేందుకు వీలైన అచ్చుతో ఇదిగో ఇటీవలనే జులై 2015 లోనే ఇలా ఇండియాలో మన ముందుకు తెచ్చారు.
180 పేజీలతో హైదరాబాద్ లోని చరిత ఇంప్రెషన్స్ వారు ముద్రించిన ఈ బుక్ చాలా ఇంప్రెసివ్ గా వున్నది. దీని ఖరీదు రూ|| 200-00 లు. కాస్త
ఖరీదనిపించినా, దీన్ని చదివిన పిల్లలు పొందే ఆనందం, విజ్ఞానాల ముందు ధర దిగదుడుపే.
ప్రతులు దేవినేని సీతారావమ్మ ఫౌండేషన్, తెన్నేరు, కృష్ణా జిల్లా, పిన్: 521260 అను చిరునామాలోనూ; సెల్: 9989051200, email:
mdevineni@gmail.com ద్వారానూ పొందవచ్చును.
మరో చిరునామా: మంచి పుస్తకం, 12-13-439, వీథి నెం:1, తార్నాక, సికింద్రాబాద్, పిన్:500017, సెల్: 9490746614, email: info@manchipustakam.in, website: www.manchipustakam.in
త్రిపురాంతకం, సెల్: 9010619066
**********
పిల్లలకు సరదాగా, జాలీగా పుస్తక పఠనంపై ఆసక్తి, నైతిక విలువలు పెంపొందించే ఉద్దేశంతో ముద్రింపబడిన పుస్తకం ఇది. సహజంగా డాక్టరు గారి లాగే పక్షి, జంతు ప్రేమికులైన పిల్లలకు ఈ పుస్తకం ఆసక్తిగానే వుంటుందని నేను భావిస్తున్నాను. అంతే కాకుండా ” ఖుషి” టివి లాంటి చానల్స్ లో వచ్చే కార్టూన్ సినిమాలను వదలకుండా చూస్తున్న నేటి బాలల కోసం, ఒక కార్టూన్ సినిమాను చూసిన ఫీలింగ్ కలిగేలా పుస్తక రూపంలో అందించడం బాగుంది. వినోదంతో పాటు జంతువులకు, పక్షులకు సంబంధించిన విజ్ఞానం కూడా వారికి అందిస్తుందీ పుస్తకం. పుస్తకం పేరు, లోపలి భాష, జంతువుల, పక్షుల చేష్టలు పిల్లలను చాలా బాగా ఆకట్టుకుంటాయి ఇందులో. పిల్లల మెదడును ఆలోచింపజేస్తుంది. ఇతరులను గౌరవించడం , మంచిగా మాట్లాడే విధానం, అందరినీ కలుపుకుపోవడం, జంతువులను ప్రేమించడం లాంటి నైతిక విలువలు కూడా నేర్చుకుంటారు. ఒక్క మాటలో చెప్పాలంటే టి.వి.లకు అతుక్కుపోతూ, చదవడంపై
ఆసక్తి లేని పిల్లలున్న కాలమిది. అలాంటి పిల్లలను సైతం పుస్తక పఠనం వైపు మళ్ళించగల ఒక మంచి టానిక్ ఈ “నొప్పిడాక్టర్” పుస్తకం.
హాయ్ ! పిల్లలూ. మీకోసం ఓ మంచి పుస్తకమర్రా !ఏంటి పుస్తకం పేరా? విచిత్రంగా వుంది కదూ! నాక్కూడానూ. అందుకే వెంటనే చదివేశాను. భలే తమాషాగా వుంది. చాలా సరదాగా కూడా వుంది. చదువుతుంటే, ఖుషి టి.వి.లో కార్టూన్ సినిమా చూసినంత ఉల్లాసమేసింది. ఊ…..నిజం. కాస్త రుచి
చూపించమంటారా….?! సరే అయితే….
నొప్పి డాక్టరు గారితో వాళ్ళ అక్క “వర్వారా”, ఇద్దరు పిల్లలు తాన్యా, వాన్యా వుంటారు. డాక్టరు గారు జంతు, పక్షి ప్రేమికుడు. ఎంతటి జంతు ప్రేమికుడంటే, తన ఇంట్లో ఎప్పుడూ అల్మారాలో ఉడుత, గదిలో కుందేళ్ళు, చెక్క అరలో కాకి, సోఫాలో ముళ్ళపంది ఇలా ఆయన చుట్టూ ఎప్పుడూ తిరుగుతుంటాయి. పైగా డాక్టర్ గారు జాలి గుండె కలవారు. అందుకే ప్రకృతి కంటే కూడా డాక్టరు గారి ఇల్లే వాటికి స్వర్గంలా అనిపించేది. అతని దగ్గరకు వచ్చే రోగులంతా నొప్పి,..నొప్పి… అంటూ వస్తుంటారు. వారికి వచ్చిన ఎలాంటి నొప్పినైనా సరే! క్షణాల్లో తన వైద్యంతో మాయం చేస్తారు. అందుకే అందరూ “నొప్పి డాక్టరు ” అని పిలవసాగారు. ఈయన దగ్గరికి వైద్యం కోసం వచ్చి డాక్టరు గారి ఇంట్లో వాతావరణం చూసి, ముగ్ధులైపోయి అక్కడ సెటిలైపోయినవారే వాన్యా, తాన్యా లు. అంతటి ఆకర్షణీయ వాతావరణం అక్కడ ఉంటుంది. ఆయన అందరిపై చూపించే ప్రేమ అలాంటిది మరి.
ఇందులో ప్రాణుల పేర్లు కూడా చాలా విచిత్రంగా , తమాషాగా వుంటాయి. బాతు పేరు “కికా”, పంది పిల్ల పేరు “గుర్రు గుర్రు”, చిలుక పేరు “కరుడొ”,
గుడ్లగూబ పేరు “బుంబా….ఇలా. అంతే కాదర్రోయ్! ఇందులో జంతువులు, పక్షులు మాట్లాడతాయి కూడా ! ఆ…. వాటి భాష కూడా భలే తమాషాగా వుంది. ఏంటి? నమ్మడం లేదా? అయితే ఓ చిన్న సంభాషణ చూడండి.
ఒక రోజు ఒక గుర్రం, “లామా, వనోయ్, ఫిఫి, కుకు” అంటూ మన డాక్టరు గారి దగ్గరకు వస్తుంది. అంటే….”నాకు కళ్ళు పోటుగా వున్నాయి. కళ్ళజోడు ఇవ్వండి” అని అర్థమట. వెంటనే మన డాక్టరు గారు, “కపూకీ, కపూమాకీ” అంటాడు. అంటే, “దయచేసి కూర్చోండి” అని అట. ఏంటీ! ఇదేం భాషా? అనుకుంటున్నారు కదూ! అదేమరి, జంతు భాష అంటే. వాళ్ళకు అర్థమయ్యిందిలెండి. అందుకే డాక్టరు గారు అలా అనగానే అది కూర్చుంది. ఇంకేముంది, కళ్ళకు అద్దాలు పెట్టేశారు మరి. ఫీజు లేదు, బిల్లూ లేదు. ఉచితమేనర్రా! ఊ….. చూశారా! మన డాక్టరు గారిది జాలిగుండె అని తెలిసిందిగా. వెంటనే దానికి కళ్ళ నొప్పి ఇట్టే మాయమయింది. వారెవ్వా…! నొప్పి డాక్టరా …మజాకానా…!. ఇక వెంటనే ఆ గుర్రం “చాకా” అంటూ తోక ఆడించుకుంటూ, జాలీగా కళ్ళద్దాలతో వీథిలోకి వెళ్ళిపోయింది. “ఓ! “చాకా” అంటేనా? ధన్యవాదాలు అనట.
ఇలా గుర్రం వలన విషయం తెలుసుకున్న కళ్ళ నొప్పులున్న ఆవులూ, కుక్కలూ, పిల్లులూ, ఆఖరికి ముసలి కాకులు కూడా మన డాక్టరు గారి దగ్గరికి
వస్తున్నాయి. వాటన్నిటికీ కూడా కళ్ళజోళ్ళను ఫ్రీగా తగిలించేవారు. ఈ విధంగా ఊళ్ళో మనుషులతో పాటు అడవిలోని జంతువులూ, పక్షులు, నీళ్ళలోని
తాబేళ్ళు, ఆకాశంలోని కొంగలూ, గ్రద్దలూ నొప్పులున్న ప్రతి ప్రాణీ ధైర్యంగా డాక్టరు గారి దగ్గరికి వైద్యానికి వచ్చేవి. కొద్ది కాలంలోనే మన నొప్పిడాక్టరు గారికి అందరూ అభిమానులైపోయారు.
ఇంకో రోజు మెడనొప్పి అంటూ, ఒక కోతి వస్తుంది దాని పేరు “కిచకిచ”. దానికి వైద్యం చేస్తారు. అది అక్కడే వుండి పోతుంది. ఒకనాడు దాని యజమాని
వస్తాడు. అతను రాగానే మన టామీ, “గుర్..గుర్…” మంటుంది. అంటే “పారిపో! లేకుంటే కరిచేస్తాను,” అని అర్థమట. బ్రతుకుజీవుడా! అనుకుంటూ
పారిపోతాడతను. నొప్పి డాక్టరైనా నొప్పులే కాదర్రోయ్! రెక్క తెగిన సీతాకోక చిలుక వస్తే, దానికి ఎర్ర చుక్కలతో మెరిసిపోతున్న సిల్కు గుడ్డతో రెక్క కుట్టి , నిప్పుకు దూరంగా వుండమంటూ జాగ్రత్తలు చెప్పి మరీ పంపిస్తారు. సూపర్ కదా! ఇందులో మరో విచిత్ర జంతువు కూడా వుందర్రోయ్. దాని పేరు “తోపుడు లాగుడు”. ఆ… ఏంటి? నవ్వు వస్తోందా? అవును, జంతువుల పేర్ల లాగే ఈ కథల్లో డైలాగులు కూడా ఇంకా చాలా …భలే భలే సరదాగా వున్నాయ్.
“కరాబుకి, మరాబుకి, బూ” అంటే “మీకు సాయం చేయకుండా ఎలా వుంటాం?”
“ఆబుజో, మబుజో, బాక్” అంటే “మేము మిమ్మల్ని వదిలిపెట్టం, మీ నమ్మిన నేస్తాలుగా ఉండిపోతాం”
“కిసాఫా, మాక్” అనగా “ఇది నొప్పి డాక్టర్ గారి ఇల్లేనా?” అనట. భలే వున్నాయి కదా!
అంతేనా? ఇలా జంతువులు, డాక్టరు గారు కలిసి కోతులకు వైద్యం చేయడానికని, సముద్రంలో ఓడపై ఆఫ్రికా కూడా వెళ్తారు. మరి ఈ ప్రయాణంలో డాక్టరు గారికి చాలా ఇబ్బందులు ఎదురవుతాయి. అప్పుడు మన డాక్టరు గారికి జంతువులు సాయం చేస్తాయి. ఇలా ఎంతో సరదాగా సాగే, “మర్కట రాజ్యానికి యాత్ర,”, పింటూ, సముద్రపు దొంగలు” అనే రెండు కథలు సరదా సరదా బొమ్మలతో ఇందులో చాలా బాగా వున్నాయి . ఏంటి? రుచి చూపిస్తూ ఉంటేనే మనసు ఊరించి పోతోందా!? అయితే, ఇంకేం ? చదివేయండి మరి ఈ పుస్తకాన్ని. మీకు బోలెడన్ని విషయాలు తెలుస్తాయి. చాలా ఎంజాయ్ చేస్తారు.
ఎంతో సరదాగా , జాలీగా విజ్ఞానంతో కూడిన ఈ పుస్తకం రష్యా భాషలో “కొర్నేయ్ చుకోవ్ స్కీ” అనే రచయిత వ్రాయగా 1986 లో ప్రథమంగా ముద్రింపబడింది. దీనిని “ఆర్వియార్ ” అనే రచయిత తెలుగులో అనువదించగా, వి.దువిదేవ్ గారితో చక్కని బొమ్మలు వేయించి, పిల్లల ప్రేమికులు, బాలలసాహిత్య ప్రచురణ కర్తలు అయిన దేవినేని సీతారావమ్మ ఫౌండేషన్ వారు చక్కటి అందమైన బైండింగ్ తో పిల్లలు చదివేందుకు వీలైన అచ్చుతో ఇదిగో ఇటీవలనే జులై 2015 లోనే ఇలా ఇండియాలో మన ముందుకు తెచ్చారు.
180 పేజీలతో హైదరాబాద్ లోని చరిత ఇంప్రెషన్స్ వారు ముద్రించిన ఈ బుక్ చాలా ఇంప్రెసివ్ గా వున్నది. దీని ఖరీదు రూ|| 200-00 లు. కాస్త
ఖరీదనిపించినా, దీన్ని చదివిన పిల్లలు పొందే ఆనందం, విజ్ఞానాల ముందు ధర దిగదుడుపే.
ప్రతులు దేవినేని సీతారావమ్మ ఫౌండేషన్, తెన్నేరు, కృష్ణా జిల్లా, పిన్: 521260 అను చిరునామాలోనూ; సెల్: 9989051200, email:
mdevineni@gmail.com ద్వారానూ పొందవచ్చును.
మరో చిరునామా: మంచి పుస్తకం, 12-13-439, వీథి నెం:1, తార్నాక, సికింద్రాబాద్, పిన్:500017, సెల్: 9490746614, email: info@manchipustakam.in, website: www.manchipustakam.in
చదవడం అంటే ఏమిటి… నేర్చుకోవడం అంటే ఏమిటి…
వ్యాసకర్త: మద్దిరాల శ్రీనివాసులు, సెల్:9010619066
*********
పుస్తకం పేరు: చదవడం అంటే ఏమిటి… నేర్చుకోవడం అంటే ఏమిటి…
రచయిత: సీవీకే ( సీ.వీ.క్రిష్ణయ్య గారు)
ఈమధ్య కాలంలో ఉపాధ్యాయుల కోసం వచ్చిన అద్భుతమైన ఉపయుక్త పుస్తకం ఇది.
క్లాసు రూముల్లో కష్టపడవలసింది విద్యార్థి కాదు, ఉపాధ్యాయుడు అంటారు
రచయిత ఇందులో. నిజమే కదా! అయితే ఈ వాక్యాన్ని వక్రీకరించే వారు కూడా
వుంటారని ముందే ఊహించిన రచయిత ఈ వాక్యం వెంటనే “విద్యార్థి, తన విజ్ఞాన
సాధనలో నేర్చుకుంటున్నాననే స్పృహ కలుగకూడద”నే మరో వాక్యాన్ని జోడించారు
కూడా.
బోధన అంటే విద్యార్థిని చేయి పట్టుకుని నడిపించడం కాదంటారు.
తల్లిదండ్రులైనా, ఉపాధ్యాయులైనా పిల్లలు ఆడుకుంటూ కనబడితే చాలు… వారిని
పాడైపోతారని, ఎప్పుడూ కుదురుగా వుండలేర్రా మీరు? అని, తిట్టేవారే ఎక్కువ.
అలాంటి వారికి, పిల్లలు ఆటలు ఆడకపోతే ఎంతగా నష్టపోతారో తెలిపే జవాబు ఈ
పుస్తకం. చాలావరకు తల్లిదండ్రులు ఉపాధ్యాయుల దగ్గరకు వచ్చి, “మా పిల్లవాడు
చెప్పిన మాట వినడం లేదు సార్, నాలుగు తన్ని భయం చెప్పాలి మీరు” అని,
ఫిర్యాదు చేస్తుంటారు. అపుడు కొందరు ఉపాధ్యాయులు ఆ పరిస్థితులలో ఆ పిల్లలను
మందలించడమో, కొట్టడమో చేస్తుంటారు. అది ఎంత తప్పో ఈ పుస్తకం చదివితే
తెలుస్తుంది.
“తెలివితేటలు అంటే “, అనే అంశంలో, జాన్ హాల్ట్ గారు తెలిపిన మాటలను
ఉదహరిస్తూ,ఎంతో అద్భుతమైన వివరణ యిచ్చారు ఇందులో రచయిత.
తెలుసుకోవడానికి-నేర్చుకోవడానికి, ఉపాధ్యాయుడికి-గురువుకి గల తేడాలను చాలా
చాలా చక్కగా వివరించారు. ఇవి చదువరులకు చాలా ఉపయుక్తం.
“మెదళ్ళకు తాళాలేసి…” అనే అంశంలోనైతే క్లాసు రూములో విద్యార్థులు ఎంత
చిలిపిగా వ్యవహరిస్తుంటారో, ప్రత్యక్షంగా వర్ణించారు. “హీరోలు – జీరోలు” లో
తన స్వీయ సంఘటనలతో, పిల్లవాడికి ఫిక్స్డ్ నాలెడ్జ్ అందిస్తే ఎలా నష్టం
జరుగుతుందో తెలిపారు. పిల్లలలో నీతిబోధ కోసం వారిని కొట్టకుండా,
తిట్టకుండానే, వారిలో మార్పు తేవడానికి, నేటి సాంకేతిక పరిజ్ఞానాన్ని ఎలా
వాడుకోవాలో తెలిపారు.
ఇలా, ఈ పుస్తకంలో ప్రతి ఒక్క విషయం ఉపాధ్యాయులకు ఒక సహాయకారిగా
వున్నది. ఇటు తల్లిదండ్రులకు కూడా పనికి వచ్చే విషయాలు కూడా చాలా వున్నాయి.
రచయిత ఇందులోని ప్రతి పేజీని విలువైనదిగా మలిచారు.
మరొక అద్భుతమేంటంటే, గురువుకు తానిచ్చిన ఒక గొప్ప నిర్వచనం, “గురువు
అంటే ఒక ఫలవృక్షమట”, దానిని వివిధ రకాల విద్యార్థులు ఎలా వాడుకుంటారో
గొప్పగా చెప్పారు. హ్యాట్సాఫ్ సీవీకే గారూ…
ఇంత గొప్పగా ఈ పుస్తకాన్ని వ్రాసిన రచయిత కూడా ఒకప్పుడు ఉపాధ్యాయులుగా
పని చేసినవారే. ఈ పుస్తకం చదివిన ప్రతి ఒక్కరికీ, సీవీకే గారు ఎంత గొప్ప
ఉపాధ్యాయులో…. కాదు, కాదు, ఎంత గొప్ప గురువులో అర్థమవుతుంది. ఉపాధ్యాయులు,
తల్లిదండ్రులు, పెద్దలు, ప్రభుత్వ అధికారులతో పాటు, పాఠ్యపుస్తక రచయితలు
కూడా చదువదగిన పుస్తకం ఇది. చివర ముగింపు ఈ పుస్తకం విలువను ద్విగుణీకృతం
చేసేదిగా ఉన్నది.
ఒక మాటలో చెప్పాలంటే, ఉపాధ్యాయ వృత్తిలో వున్న వారందరికీ ఇది ఎంతో
ఉపయుక్త గ్రంథంగా వుంటుందని నేను ఖచ్చితంగా చెప్పగలను. పదవ తరగతి అమ్మాయితో
ఇందులో చిత్రాలు వేయించడం కూడా కొసమెరుపు. రచనంతా ద్రాక్షాపాకంలో
సాగించారు.
72 పేజీలతో మూడవ ముద్రణగా, ఆకర్షణీయ ముఖ చిత్రంతో ఫిబ్రవరి 2015 లో
జనవిజ్ఞాన వేదిక వారి ప్రచురణ ద్వారా మన ముందుకు వచ్చిన ఈ పుస్తకం వెల
కేవలం రూ.35=00 లు మాత్రమే. అంటే ఈ వేసవి కాలంలో నష్టం అని తెలిసినా
త్రాగడానికి వెనుకాడని పనికి రాని కూల్ డ్రింక్ కై వెచ్చించే ఖరీదన్నమాట.
2012 లో ప్రథమ ముద్రణ పొంది, మూడు సంవత్సరాల స్వల్ప కాలంలోనే మూడవ ముద్రణకు
స్వీకారం చుట్టినదంటే, ఈ పుస్తకం ఎంతగా ఉపయుక్తమైనదో తెలుస్తున్నది.
ఇంత మంచి పుస్తకాన్ని నాకు పంపి, చదివే అవకాశం కలిగించిన
విద్యాప్రేమికులు, విద్యార్థిప్రేమికులు “దేవినేని సీతారావమ్మ ఫౌండేషన్
,తెన్నేరు, “అధినేత “శ్రీ దేవినేని మధుసూదనరావు” గారికి కృతజ్ఞతలు.
ఈ పుస్తకం కొరకు మనము “బి.క్రిష్ణారెడ్డి, ప్రచురణల విభాగం, 15/984,
వెంకట్రామపురం, నెల్లూరు” అనే చిరునామాలోనూ, 9493355144 అనే సెల్ ద్వారానూ
మరియూ అన్ని ప్రజాశక్తి బుక్ హౌస్ ల లోనూ సంప్రదించవచ్చును.
మాతృభాషా మాధ్యమమే ఎందుకు? సమీక్ష:- మద్దిరాల శ్రీనివాసులు, 9010619066 మాతృభాషా మాధ్యమమే ఎందుకు? అనే పుస్తకము పైన నేను వ్రాసిన సమీక్ష... http://pustakam.net/?p=20855 అనే *లింక్* నందు చదువగలరు..
